Planificamos a sesión de Álvaro na praia do Vao, desde o primeiro momento estaba claro que ademais das fotos de Comuñón realizariamos fotos de Álvaro e o irmán con roupa normal e fotos de familia.
O momento mais difícil nas sesións é o contacto, tratase de romper o xeo tanto para os protagonistas como para que eu mesmo poida entender cal é a mellor actitude na sesión para lograr os mellores resultados.
Para que ese primeiro momento sexa o mais curto posible utilízanse diferentes técnicas dependendo da sesión, neste caso comecei fotografando a familia para que se apoiaran uns nos outros e deste xeito se sentiran mais cómodos e reducir desta maneira o tempo de contacto.
Despois pasei a fotografar a Álvaro e o irmán e desta maneira conseguín gañar a confianza do protagonista.
A sesión transcórreo no Vao, aos dous lados da ponte e fomos rematar ao Museo do Mar, lugar que me ten absolutamente namorado, aproveitando ese Por do Sol inmellorable.